नवदेहली। केन्द्रीयमन्त्रिमण्डलेन संसत्सदस्ययानां वेतने वित्तानुमोदने गतशताब्दस्य चतु:पञ्चाशततमे सेवानिवृत्तिवेतनाधिनियमे संशोधनाय अध्यादेश: अनुमत:। अनेन संसत्सदस्यानां वेतनम् एकवर्षं यावत् प्रतिशतं त्रिंशन्मितं न्यूनं भविष्यति। अयम् अध्यादेश: अप्रैलमासात् प्रारब्धो भविष्यति।
सूचनाप्रसारणमन्त्री प्रकाशजावडेकर: वार्ताहरान् प्रावोचत् यत् मन्त्रिमण्डलेन वर्षद्वयाय संसत्सदस्यानां क्षेत्रीयविकासनिधे: स्थगननिर्णय: अपि स्वीकृत:। श्रीजावडेकर: न्यगदत् यत् नव सप्तति: अर्बुदरूप्यकाणां राशि: कोविड-१९ सङ्क्रमणस्य निवारणाय भारतस्य समेकितनिधौ प्रत्यर्पयिष्यते।
